കൊച്ചി: ഇഡിയും സിബിഐയും കോണ്ഗ്രസിനെയും പ്രതിപക്ഷത്തെയും ഉന്നം വയ്ക്കാനുള്ള ഏജന്സികളാണെന്ന് എഐസിസി ജനറല് സെക്രട്ടറി കെ.സി. വേണുഗോപാല് എംപി. അവരെത്ര കേസെടുത്താലും പേടിക്കുന്നില്ലെന്നും അദ്ദേഹം പറഞ്ഞു.
നാഷണല് ഹെറാള്ഡ് കേസില് സോണിയാഗാന്ധിക്കും രാഹുല് ഗാന്ധിക്കുമെതിരെ എഫ്ഐആര് ഇടാനുള്ള നടപടി സംബന്ധിച്ച ചോദ്യത്തോടു പ്രതികരിക്കുകയായിരുന്നു അദ്ദേഹം.
കേന്ദ്ര അന്വേഷണ ഏജന്സികളെയും തെരഞ്ഞെടുപ്പ് കമ്മീഷനെയും കൂട്ടി ജനാധിപത്യത്തെ കശാപ്പ് ചെയ്യുന്ന നടപടികളാണു രാജ്യത്തു നടക്കുന്നത്. തെരഞ്ഞെടുപ്പ് കമ്മീഷന് പോലും ഒരു ഭാഗം പിടിക്കുകയാണ്. പൗരന്മാരുടെ വോട്ട് മാറ്റാനുള്ള ബിജെപിയുടെ എക്സര്സൈസാണ് എസ്ഐആര്. കേരളത്തിലത് സിപിഎം ചെയ്യുന്നു.
പിഎംശ്രീയില് കാവിവത്കരണം ഇല്ലെന്നും മോദി സര്ക്കാരിന്റെ വികസന ക്ഷേമപദ്ധതികളില് മതവിവേചനം കണ്ടിട്ടില്ലെന്നുമുള്ള ശശി തരൂര് എംപിയുടെ അഭിപ്രായത്തോടുള്ള പ്രതികരണമായി, പാര്ട്ടിക്കുള്ളില്നിന്നു വിമര്ശിക്കാന് കഴിയുന്നുവെന്നതാണു കോണ്ഗ്രസിന്റെ ഉള്പ്പാര്ട്ടി ജനാധിപത്യത്തിന്റെ മനോഹാരിതയെന്നും അഭിപ്രായ സ്വാതന്ത്ര്യത്തിനു കോണ്ഗ്രസ് നല്കുന്ന പ്രാധാന്യംകൂടിയാണിതെന്നും വേണുഗോപാല് പറഞ്ഞു.
E-paper LOGIN
LOGIN
